Landet bortanfor landet : område 51 : protestsongar

Område 51 er eit hemmeleg område i Nevada, der det amerikanske forsvaret testar ut fly og våpensystem. Det er også kontrollsenter for avanserte dronar. Her blei det legendariske U2-flyet prøvd ut, og viktige delar av teknologien bak måneferdene utvikla. "Landet bortanfor landet. Område 51" tar oss med til ei verd som ikkje er plotta inn på kartet, denne undergrunnen som er befolka med personell som ikkje står på offisielle lønningslister. Dikta uttrykker frykt for at vi ikkje lenger kan yte motstand mot krigen, fordi han blir utkjempa under bakken og oppe i himmelen, med maskinar, satelittar, dronar, fiber, kablar. Krig er blitt ein blodflekk som har trekt så djupt inn i kvardagen at han no er farga på same vis som alt rundt oss, som del av eit vanlig plagg vi tar på.Dikta i denne samlinga er del av eit musikalsk samarbeid med Morten Qvenild. "Landet bortanfor landet. Område 51" blei til som eit tingingsverk til Kongsberg jazzfestival i 2017, og blir no utgitt både som bok og som plate.